გორი-ქარელის მაგისტრალური გაზსადენის რეაბილიტაცია მიმდინარეობს

შპს „საქართველოს გაზის ტრანსპორტირების კომპანია“ გორი-ქარელის მაგისტრალური გაზსადენის 10.3 კმ.-ზე, გორის გაზგამანაწილებელი სადგურის 500მმ განშტოებაზე ახლადაშენებული 90- მეტრიანი მონაკვეთის მოქმედ მაგისტრალურ გაზსადენში შეჭრის სამუშაოებს განახორციელებს.

როგორც „ინტერპრესნიუსს“ „საქართველოს გაზის ტრანსპორტირების კომპანიიდან“ აცნობეს, სამუშაოების გამო, 18 ოქტომბერს 07:00 საათიდან 18:00 საათამდე ბუნებრივი გაზის მიწოდება შეუწყდება შემდეგ სოფლებს: თეოწმინდა, ახალდაბა, ვარიანი, ვარიანის მეურნეობა, საქაშეთი, საქაშეთის დევნილთა დასახლება, შინდისი, ყელქცეული, ფხვენისი, ქვემო და ზემო ხვითი, ქვემო და ზემო ნიქოზი, მეღვრეკისი, ერგნეთი.

შპს „საქართველოს გაზის ტრანსპორტირების კომპანია“ შესაძლო დისკომფორტის გამო მოსახლეობას ბოდიშს უხდის.