ზურაბ ჯაფარიძე - პროკურატურის მიერ გუშინ  გასაჯაროებული აუდიოჩანაწერი „რუსთავი 2”-ის მიერ რეალური ჩანაწერების გამოქვეყნების შემდეგ არის გაკეთებული

პოლიტიკური გაერთიანება „გირჩის” პრეზიდენტობის კანდიდატის ზურაბ ჯაფარიძის შეფასებით, პროკურატურის ყოფილი მაღალჩინოსნის მირზა სუბელიანისა დეპუტატ ვიქტორ ჯაფარიძის საუბრის აუდიოჩანაწერი, რომელიც პროკურატურამ გუშინ გაასაჯაროვა, ტელეკომპანია „რუსთავი 2”-ის მიერ რეალური ჩანაწერების გამოქვეყნების შემდეგ არის გაკეთებული.

ზურაბ ჯაფარიძე აცხადებს, რომ „ეს ძალიან სასაცილო დადგმაა”.

„გასაგებია, რომ მეორე ჩანაწერი, რომელიც პროკურატურამ გაავრცელა, არის შემდეგ გაკეთებული. ადამიანები, რომლებიც ამ ჩანაწერში ფიგურირებენ, ჩვეულებრივად, ტექსტებს კითხულობენ. მგონი ისედაც არავინ არ დაიჯერებს, რომ რამდენიმე თვით ადრე სუბელიანმა გააფრთხილა ჯაფარიძე, რომ ის მოყვება ტყუილებს და შემდეგ ჯაფარიძე მასთან შევიდა და მან მოყვა ტყუილები. ეს ხომ ზღაპარია. პროკურატურა ცდილობს, მიჩქმალოს საქმე, რომელიც დაკავშირებულია კონკრეტულად სუბელიანთან, რომელიც წინა ჩანაწერში სავარაუდოდ, გულწრფელად საუბრობს იმაზე, რომ მას სხვადასხვა დანაშაული აქვს ჩადენილი, მათ შორის ადამიანის წამება და სხვა რაღაცები“, - აღნიშნა მან.

ამასთან, „გირჩის“ საპრეზიდენტო კანდიდატის, ზურაბ ჯაფარიძის თქმით, საქართველოში არ არსებობს საგამოძიებო უწყება, რომელიც აღნიშნულ საქმეს ობიექტურად გამოიძიებს.

„მე არ მჯერა, რომ დღეს საქართველოში არსებობს რომელიმე სამართალდამცავი სტრუქტურა, რომელიც ამ საქმეს ობიექტურად გამოიძიებს. ეს არის სამწუხარო რეალობა. პროკურატურა ამ ქვეყანაში მთლიანად დასაშლელია, ხალხი იქიდან გასაშვებია და თავიდან ასაწყობი, თუ ჩვენ გვინდა, რომ ამ ქვეყანაში გამოძიებას რამე შინაარსი ჰქონდეს”,- აღნიშნა ზურაბ ჯაფარიძემ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს