იტალიის ვიცე-პრემიერი - იტალია აგრძელებს  ევროპელი პარტნიორების დარწმუნებას რუსეთისთვის დაწესებული  სანქციების აბსურდულობაში

იტალიის მთავრობა განაგრძობს ევროპელი პარტნიორების დარწმუნებას რუსეთისთვის დაწესებული სანქციების აბსურდულობაში, - ამის შესახებ იტალიის ვიცე-პრემიერმა და შს მინისტრმა მატეო სალვინიმ განაცხადა.

„დარწმუნებული ვარ იმაში, რომ რუსეთისთვის დაწესებული სანქციები აბსურდულია. ჩვენ შევეცდებით ეს ავუხსნათ ყველა ჩვენს პარტნიორს, მათ შორის ევროპული დისკუსიების დონეზე“, - განაცხადა იტალიის შს მინისტრმა.

მატეო სალვინის თქმით, ვინაიდან იტალია ნატო-ს და ევროკავშირის წევრია, იტალია რთულ მდგომარეობაშია პარტნიორებისადმი გარკვეული ვალდებულებების გამო.

„სამწუხაროდ, აშშ-ს, ზოგიერთ ევროპულ ქვეყანასა და რუსეთს შორის დიპლომატიური ურთიერთობების გაუარესება რთულ პრობლემას წარმოადგენს, მათ შორის იტალიისთვისაც, რომელიც დამოკიდებულია წევრობაზე კონკრეტულ საერთაშორისო სტრუქტურებში, პირველ რიგში ნატო-სა და ევროკავშირში. თუმცა, ჩვენ არ გვსურს, რომ ეს დაბრკოლებას წარმოადგენდეს რუსეთთან ჩვენი ურთიერთობებისთვის“, - განმარტა მატეო სალვინიმ.

ლადო პაპავა - მოსახლეობა პოზიტიური დღის წესრიგის მოლოდინშია
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ