„თბილსერვის ჯგუფის“ ხელმძღვანელის ინფორმაციით, აკრძალულ ადგილებზე საარჩევნო პლაკატებისგან ქალაქის გასუფთავება საბურთალოს რაიონიდან დაიწყება

„თბილსერვის ჯგუფის“ ხელმძღვანელის, ლევან ჯღარკავას განცხადებით, აკრძალულ ადგილებზე საარჩევნო პლაკატებისგან ქალაქის გასუფთავება საბურთალოს რაიონიდან დაიწყება.

როგორც ჯღარკავამ ჟურნალისტებს დედაქალაქის მთავრობის სხდომის დასრულების შემდეგ განუცხადა, გაწმენდის სამუშაოები დღეს ღამიდან დაიწყება და 3-4 დღის განმავლობაში გაგრძელდება.

„პლაკატები დარჩება მხოლოდ იმ ადგილებზე, სადაც ეს ნებადართულია. სამუშაოს გეგმარება ახლა მიმდინარეობს და ღამიდან გაწმენდით სამუშაოებს დავიწყებთ სპეციალური ხსნარებით. სამუშაოები საბურთალოს რაიონიდან დაიწყება და მთელ თბილისში განხორციელდება“, - განაცხადა ჯღარკავამ.

ცნობისთვის, კახა კალაძემ „თბილსერვის ჯგუფის“ ხელმძღვანელს დაავალა, აკრძალულ ადგილებში გაკრული „სულელური პლაკატები ჩამორეცხონ“.

„სამწუხაროდ, თბილისში არის ადგილები, სადაც საარჩევნო პლაკატები არის გაკრული ისტორიულ ძეგლებზე, მეტროს ჩასასვლელებზე და ბევრ ისეთ ადგილას, რაც უხერხულობას ქმნის. მესმის, რომ არჩევნებია, მაგრამ ქალაქი ხომ ყველას გვიყვარს?! გული შეგვტკივა მასზე და არ უნდა გამოვიდეთ მარტო ჩვენი ვიწროპარტიული ინტერესებიდან. ამიტომ მინდა „თბილსერვისის“ ხელმძღვანელს ლევან ჯღარკავას დავავალო, რომ დღესვე დაიწყოთ დასუფთავება და გარეცხვა ამ კონკრეტული ადგილების. არის გამოყოფილი ადგილები, სადაც მათ აქვთ უფლება განათავსონ პლაკატები და არა ისეთ ადგილებზე, რომელიც მნიშვნელოვანია ქალაქისთვის და ამახინჯებენ ამ სულელური პლაკატებით. დღესვე იმოქმედეთ“, - მიმართა კალაძემ ლევან ჯღარკავას.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს