ქერჩის პოლიტექნიკურ კოლეჯში აფეთქება მოხდა, არიან გარდაცვლილები

რუსეთის მიერ ანექსირებული ყირიმის ნახევარკუნძულზე, ქალაქ ქერჩის პოლიტექნიკურ კოლეჯში აფეთქება მოხდა. ამის შესახებ „ტასს“ სამართალდამცავ ორგანოებში საკუთარმა წყარომ აცნობა.

„აფეთქება დღეს მოხდა. არიან გარდაცვლილები და დაშავებულები. ადგილზე პოლიცია, მაშველები, მედიკოსები და მეხანძრეები მუშაობენ“, - წერს სააგენტო.

წინასწარი ინფორმაციით, აფეთქების შედეგად დაიღუპა 10 და დაშავდა 50-მდე ადამიანი.

დაუდასტურებელი ინფორმაციით, ქერჩის პოლიტექნიკურ კოლეჯში გაზის ბალონი აფეთქდა.