რუსეთის ანტიტერორისტული კომიტეტი - ქერჩში, პოლიტექნიკურ კოლეჯში დაუდგენელი ასაფეთქებელი მოწყობილობა აფეთქდა

ქერჩში, პოლიტექნიკურ კოლეჯში დაუდგენელი ასაფეთქებელი მოწყობილობა აფეთქდა, - ამის შესახებ ჟურნალისტებს რუსეთის ეროვნული ანტიტერორისტული კომიტეტის საინფორმაციო ცენტრში განუცხადეს.

„დღეს, დაახლოებით 12:00 საათზე, ქალაქ ქერჩში პოლიტექნიკური კოლეჯის შენობაში აფეთქება მოხდა. წინასწარი მონაცემებით, 10 ადამიანი დაიღუპა, ხოლო 50 კი დაშავდა“, - განაცხადა ანტიტერორისტული კომიტეტის წარმომადგენელმა.

მისივე თქმით, ოპერატიული შტაბი სამართალდამცველებისა და სამაშველო სამსახურების ქმედებების კოორდინირებას ახდენს, რათა აფეთქების მიზეზი დადგინდეს. ადგილზე ФСБ სპეციალისტები მუშაობენ.