ქერჩში მომხდარ აფეთქებას გამოძიებამ ტერორისტული აქტის კვალიფიკაცია მისცა. ამის შესახებ ჟურნალისტებს რუსეთის საგამოძიებო კომიტეტის წარმომადგენელმა სვეტლანა პეტრენკომ განუცხადა.
„სისხლის სამართლის საქმე კოლეჯში მომხდარ აფეთქებასთან დაკავშირებით აღძრულია სისხლის სამართლის კოდექსის 205-ე მუხლით, ტერორისტული აქტი“, - განაცხადა მან.
შეგახსენებთ, რომ დღეს, დაახლოებით 12:00 საათზე, ქალაქ ქერჩში პოლიტექნიკური კოლეჯის შენობაში აფეთქება მოხდა. წინასწარი მონაცემებით, 10 ადამიანი დაიღუპა და 50 დაშავდა.