მარიამ ჯაში ინკლუზიური კულტურისა და თეატრების ხელშეწყობისა და დაფინანსებისთვის ბიუჯეტში ნახევარი მილიონი ლარის გათვალისწინებას ითხოვს

განათლების, მეცნიერებისა და კულტურის, კომიტეტის თავმჯდომარე მარიამ ჯაში ინკლუზიური კულტურისა და თეატრების ხელშეწყობისა და დაფინანსებისთვის ბიუჯეტში ნახევარი მილიონი ლარის გათვალისწინებას ითხოვს.

შესაბამისი განცხადება ჯაშმა სამი კომიტეტის გაერთიანებულ სხდომაზე გააკეთა, სადაც „საქართველოს 2019 წლის სახელმწიფო ბიუჯეტის შესახებ“ საქართველოს კანონის პროექტი განიხილეს.

„განსაკუთრებით გთხოვთ, გარკვეული რესურსების გათვალისწინებას ინკლუზიური კულტურის და ინკლუზიური თეატრების მიმართულებით. ჩვენ გვყავს არაერთი არაჩვეულებრივი მაგალითი ინკლუზიური თეატრის, განსაკუთრებით მინდა გამოვყო „აზდაკის ბაღის“ თეატრი, რომელიც თავისი შინაარსით და მეთოდოლოგიით არის აბსოლუტურად უნიკალური და მე ვფიქრობ, რომ სახელმწიფომ, თუ მუნიციპალურ დონეზე უნდა შეუწყოს ამ უნიკალურ დასს ხელი, რომ მოხდეს შეზღუდული შესაძლებლობის მქონე პირთა ჩართვა თეატრალური დასის ყოველდღიურ ცხოვრებაში და მათი პროფესიული დასის ხელშეწყობა მოხდეს. ესეც არის საკითხი, რომელსაც ჩვენ აუცილებლად გადავიტანთ სამუშაო ფორმატში და გთხოვთ, გარკვეული რესურსების, სულ მცირე ნახევარი მილიონის გათვალისწინება მოხდეს ინკლუზიური თეატრის მიმართულებით ზოგადად, რომელიც მოიცავს თავის თავში აზდაკის თეატრის შესაძლო მხარდაჭერას“, - განაცხადა მარიამ ჯაშმა.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა