გიორგი კახიანის ინფორმაციით, მძარცველებმა მისი სახლიდან მხოლოდ ტელევიზორი მოიპარეს

„ქართული ოცნების“ დეპუტატის, გიორგი კახიანის ინფორმაციით, სამტრედიის რაიონის სოფელ ეწერში, მისი სახლიდან მხოლოდ ტელევიზორი მოიპარეს.

როგორც დეპუტატმა „ინტერპრესნიუსს“ განუცხადა, სახლში ამჟამად არავინ ცხოვრობს და მას ყურადღებას ადგილობრივები აქცევენ.

„სახლი უშუალოდ ჩემი არ არის. ის ჩემს გარდა, ჩემი ბიძაშვილებისიც არის. როცა სამტრედიის მაჟორიტარი დეპუტატი ვიყავი, ამ სახლში ვცხოვრობდი და ქუთაისში ფაქტობრივად, ეწერიდან დავდიოდი, მაგრამ ბოლო პერიოდში არ ვყოფილვარ. რამდენიმე დღის წინ ადგილობრივებმა დამირეკეს და მითხრეს, რომ ფანჯარა იყო გატეხილი. დათვალიერებით ნახეს, რომ ტელევიზორი იყო წაღებული. მართლაც აღმოჩნდა, რომ მხოლოდ ტელევიზორი წაიღეს და სხვა არაფერი დაკარგულა. ამის შემდეგ ორ-სამ დღეში მითხრეს, რომ ქურდები დააკავეს და საქმე გახსნეს. სახლში არავინ ცხოვრობს და როგორც სოფელში ხდება, მას ადგილობრივები აქცევენ ყურადღებას“, - განუცხადა „ინტერპრესნიუსს“ გიორგი კახიანმა.

დეპუტატი იმასაც ამბობს, რომ სამტრედიის რაიონში გახშირებული ქურდობის ფაქტების შესახებ მას არაფერი სმენია და მომეტებული კრიმინალის თაობაზე არანაირი ინფორმაცია არ აქვს.

„როცა მაჟორიტარი დეპუტატი ვიყავი, ადგილობრივი პოლიციის უფროსთან მქონდა კომუნიკაცია და ყოველთვის ვკითხულობდი, თუ როგორი იყო კრიმინალის თვალსაზრისით მდგომარეობა და სტატისტიკა. როგორც მეუბნებოდნენ, ამდაგვარი ფაქტების მატებას ადგილი არ ჰქონდა. ცხადია, ქურდობის ცალკეული შემთხვევები იქნება, მაგრამ პოლიცია ყოველთვის ახდენს რეაგირებას“, - აღნიშნა გიორგი კახიანმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს