ჩვენ ვართ გადმონაშთი ჯერ კიდევ, - ასე უპასუხა „ქართული ოცნების" მიერ მხარდაჭერილმა პრეზიდენტობის კანდიდატმა სალომე ზურაბიშვილმა ჟურნალისტს, რომელმაც კითხვა დაუსვა მის მიერ 2007 წელს გაკეთებულ განცხადებაზე ინტელიგენციასთან დაკავშირებით. კითხვაზე, ინტელიგენცია საბჭოთა გადმონაშთი აღარ არის? ზურაბიშვილმა აღნიშნა, რომ „ჩვენ ვართ გადმონაშთი ჯერ კიდევ“.

„მთლიანად თქვენც, მეც, ყველა და ვცდილობთ, რომ გამოვიდეთ პოსტსაბჭოთა სივრციდან და გამოსვლის ერთ-ერთი გზა არის კულტურა", - განაცხადა სალომე ზურაბიშვილმა.

მმართველის გუნდის მხარდაჭერილი პრეზიდენტობის კანდიდატი რუსთაველის თეატრში დღეს კულტურის სფეროს წარმომადგენლებს შეხვდა.

იხილეთ ვიდეო: სალომე ზურაბიშვილი: "ჩვენ ვართ გადმონაშთი ჯერ კიდევ"