ხედავთ, რომ კახეთის მასშტაბით არჩევნები მშვიდ ვითარებაში მიმდინარეობს. „ნაციონალურ მოძრაობას“ პროვოკაციის მოწყობის საშუალებას არ ვაძლევთ და ეს იწვევს მათ გაღიზიანებს, - ასე აფასებს საპრეზიდენტო არჩევნების მიმდინარეობას "ქართული ოცნების" ერთ-ერთი ლიდერი ირაკლი სესიაშვილი.

მისი თქმით, ოპონენტები გამიზნული აჟიოტაჟით ცდილობენ, რომ მმართველ გუნდს არჩევნების გაყალბება დააბრალონ.

„გამიზნული აჟიოტაჟით რევოლუციურ ფონს ქმნიან, თითქოს ჩვენ არჩევნებს ვაყალბებთ,რაც აბსურდია. ყველა მოქალაქეს აქვს იმის განცდა და საშუალება, რომ საკუთარი არჩევანი დააფიქსიროს. დღის განმავლობაში იყო პროცედურული დარღვევები, თუმცა ეს არანაირად არ ახდენს გავლენას საბოლო შედეგებზე", - განაცხადა ირაკლი სესიაშვილმა.