შეხვედრაზე განვიხილეთ ისეთი მნიშვნელოვანი საკითხები, როგორიცაა ევროპული ინტეგრაცია, ლაპარაკია ასევე სასამართლო სისტემაში სერიოზულ ცვლილებებზე, - ამის შესახებ „რესპუბლიკური პარტიის“ ერთ-ერთმა ლიდერმა ლევან ბერძენიშვილმა გაერთიანებული ოპოზიციის წევრებთან შეხვედრის შემდეგ განაცხადა.

„ჩვენ მოვედით იმისთვის, რომ გრიგოლ ვაშაძის მიმართ მხარდაჭერა გამოვხატოთ საპრეზიდენტო არჩევნებში. „რესპუბლიკური პარტია“ მას მხარს უჭერს. განვიხილეთ ისეთი მნიშვნელოვანი საკითხები, როგორიცაა ევროპული ინტეგრაცია“, - განაცხადა ლევან ბერძენიშვილმა.

მისივე თქმით, შეხვედრაზე საუბარი შეეხო სასამართლო სისტემაში სერიოზულ ცვლილებებსაც.

„საუბარი არის ძალიან სერიოზულ ცვლილებებზე სასამართლო სისტემაშიც. ეს საკითხები განვიხილეთ და ვგეგმავთ თანამშრომლობას ყველა ამ მიმართულებით”, - განაცხადა ბერძენიშვილმა.