ქუთაისში ხვალ თეთრი ხიდი გაიხსნება. როგორც „ინტერპრესნიუსს“ ქუთაისის მერიიდან აცნობეს, ხიდის გახსნის ღონისძიებაში გოგი ალექსიძის თბილისის თანამედროვე საბალეტო დასი მიიღებს მონაწილეობას.

„საღამოზე წარმოდგენილი იქნება პერფორმანსი ცისფერყანწელთა საარქივო ხმებზე. ღონისძიებას კი ქუთაისის საოპერო გუნდი დაასრულებს.

თეთრი ხიდის სარეაბილიტაციო სამუშაოები ადგილობრივი ბიუჯეტიდან დაფინანსდა. ხის საფეხმავლო იატაკი ლითონით ჩანაცვლდა. თავიდან შეიღება მოაჯირი. ხიდზე ასევე ამოიტვიფრა ციტატები, რომელიც თეთრ ხიდსა და ქუთაისს ეხება“, - ნათქვამია ინფორმაციაში.