სამეგრელო-ზემო სვანეთის გუბერნატორი ალექსანდრე მოწერელია ზუგდიდში "ქართული ოცნების" საარჩევნო შტაბს უხელმძღვანელებს. მმართველი პარტიის საარჩევნო შტაბში კი მოწერელიას ორი მოადგილე ეყოლება.
როგორც "ინტერპრესნიუსს" გუბერნატორის პრესსამსახურში განუცხადეს. აღნიშნული გადაწყვეტილება დღეს, პარტიის ადგილობრივ ოფისში მიიღეს.
შინაგან საქმეთა მინისტრი გიორგი გახარია, რამდენიმე საათია სამეგრელო-ზემო სვანეთის ადმინისტრაციის შენობაში შეხვედრებს მართავს. შენობაში იმყოფებიან რეგიონის გუბერნატორი ალექსანდრე მოწერელია, ზუგდიდის მერის მოვალეობის შემსრულებელი მაიზერ ნანავა, მუნიციპალიტეტების მერები და მაჟორიტარი დეპუტატი მერაბ ქვარაია.
