ზუგდიდში ვიცე-მერად შესაძლოა „თიბისი ბანკის“ ზუგდიდის ფილიალის მმართველი გეგა შენგელია დაინიშნოს. „ინტერპრესნიუსს“ აღნიშნული ინფორმაცია შენგელიამ არ დაუდასტურა, თუმცა აღნიშნა, რომ ამ საკითხთან დაკავშირებით მოლაპარაკებები მიმდინარეობს.

„მოლაპრაკებები მიმდინარეობს, მაგრამ ჯერ ვერ დაგიდასტურებთ. უახლეს მომავალში გახდება ცნობილი. მოვლენებს წინ ნუ გავუსწრებთ“, - აღნიშნა გეგა შენგელიამ.

ის გუშინ სამეგრელო-ზემო სვანეთის სამხარეო ადმინისტრაციის შენობაში იმყოფებოდა, სადაც შს მინისტრი გიორგი გახარია ადგილობრივი ხელისუფლების წარმომადგენლებთან შეხვედრას მართავდა, თუმცა მან მინისტრთან შეხვედრა არ დაადასტურა. ზუგდიდის ყოფილი ვიცე-მერი გია გულორდავა პირველ ნოემბერს დიდი ოდენობით ქრთამის აღების ბრალდებით დააკავეს.