პოლონეთის სეიმის მარშალი - ყველა დემოკრატიული სახელმწიფო აპროტესტებს და არასდროს შეეგუება რუსეთის მიერ საქართველოს ტერიტორიების ოკუპაციას

„ყველა დემოკრატიული სახელმწიფო აპროტესტებს და არასდროს შეეგუება რუსეთის მიერ საქართველოს ტერიტორიების ოკუპაციას“, – ამის შესახებ პოლონეთის რესპუბლიკის სეიმის მარშალმა მარეკ კუხჩინსკიმ განაცხადა, რომელიც დღეს ოძისში, ადმინისტრაციულ საზღვართან იმყოფებოდა და მავთულხლართები ნახა.

„ჩვენ საგანგებოდ ჩამოვედით აქ. გვინდოდა საკუთარი თვალით გვენახა საოკუპაციო გამყოფი ხაზი. ყველა დემოკრატიული სახელმწიფო აპროტესტებს და არასდროს შეეგუება რუსეთის მიერ საქართველოს ტერიტორიების ოკუპაციას. მავთულხლართების, ღობეების და მსგავსი შინაარსის წარწერის მქონე ბანერების აღმართვა დაუშვებელია. ჩვენ მხარს ვუჭერთ საქართველოს ტერიტორიულ მთლიანობას და გვინდა, რომ ქვეყანა საფრთხეებისგან დაცული იყოს,“ - განაცხადა პოლონეთის რესპუბლიკის სეიმის მარშალმა, რომლის კომენტარის თარგმანსაც „რუსთავი 2“ ავრცელებს.

მარეკ კუხჩინსკი დღეს ასევე ლეხ კაჩინსკის მემორიალთან იმყოფებოდა, რომელიც გვირგვინით შეამკო. ასევე გმირთა მოედანზეც, სადაც საქართველოს ტერიტორიული მთლიანობისთვის დაღუპულ გმირთა მემორიალი გვირგვინით შეამკო.

კუხჩინსკი დელეგაციის წევრებთან ერთად საპატრიარქოში სრულიად საქართველოს კათალიკოს პატრიარქ, ილია მეორეს შეხვდა.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
გეოგრაფიკი და კოლიერსი აბასთუმნის განვითარების პროექტის შესახებ
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი