პროკურორი - ამ ეტაპზე ზაზა სარალიძის მიმართ აღკვეთის ღონისძიების გამოყენების საფუძვლები არ არსებობს

ამ ეტაპზე ზაზა სარალიძის მიმართ აღკვეთის ღონისძიების გამოყენების საფუძვლები არ არსებობს, - ამის შესახებ ზაზა სარალიძის საქმის პროკურორმა ლევან ჯალაღანიამ რუსთავის საქალაქო სასამართლოში გამართული სხდომის შემდეგ განაცხადა.

მისი თქმით, ყველა ქმედებას უნდა მიეცეს სამართლებრივი შეფასება, როგორი ემოციური ფონიც არ უნდა უძღოდეს წინ.

„მოცემულ შემთხვევაში, მოპოვებული მტკიცებულებებით და ძირითადი მტკიცებულება გახლავთ ის ვიდეოკადრები, რომელიც საზოგადოებამ იხილა, დასტურდება, რომ ზაზა სარალიძე სავარაუდოდ, თავს დაესხა პოლიციელს მის სამსახურეობრივ საქმიანობასთან დაკავშირებით. დღევანდელ სხდომაზე ბრალდების მხარე წარსდგა შუამდგომლობით სასამართლოს წინაშე და მოვითხოვეთ მხოლოდ წინასასამართლო სხდომის თარიღის განსაზღვრა. რაც შეეხება აღკვეთის ღონისძიებას, ამას აქვს თავისი საფუძვლები, მიზნები, შესაბამისად, ბრალდების მხარეს მიაჩნია, რომ მოცემულ შემთხვევაში ბატონი ზაზა სარალიძის მიმართ ამ ეტაპზე არ არსებობს აღკვეთის ღონისძიების გამოყენების საფუძვლები",- განაცხადა პროკურორმა.

შეგახსენებთ, რომ პოლიციელზე თავდასხმის გამო ზაზა სარალიძე 26 ოქტომბერს, რუსთაველის გამზირზე დააკავეს. ინციდენტის დროს ზაზა სარალიძემ პოლიციელს ჯოხი ჩაარტყა. დაპირისპირების მიზეზი ის გახდა, რომ სარალიძეს პარლამენტთან კარვის გაშლის უფლება არ მისცეს. სარალიძეს ბრალი წარუდგინეს სისხლის სამართლის კოდექსის 353-ე პრიმა მუხლის პირველი ნაწილით, რაც სამსახურებრივი მოვალეობის შესრულების დროს პოლიციელზე თავდასხმას გულისხმობს. ბრალის დამტკიცების შემთხვევაში, სარალიძეს 4-დან 7 წლამდე პატიმრობა ემუქრება.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა