ეროვნული ბიბლიოთეკის მოძრაობა „ეკვილიბრიუმი“ დღეს სოფელ ნიქოზს ეწვია და ვახტანგ როდონაიას სახელობის ბიბლიოთეკას წიგნები გადასცა.

როგორც „ინტერპრესნიუსს“ ეროვნული ბიბლიოთეკიდან აცნობეს, ბიბლიოთეკის გენერალურმა დირექტორმა გიორგი კეკელიძემ მოსწავლეებს ლექცია ჩაუტარა.

„ვახტანგ როდონაიას სახელობის ბიბლიოთეკას წიგნები ჩავუტანეთ და პატარა ლექციაც ჩავატარე მოსწავლეებისთვის. ეს ბავშვები და მეუფე ისაია, საკუთარი საოცარი ინიციატივებით, ამ ცხინვალთან თვალისგაწვდენაში მდებარე სოფელში, გაიძულებენ უფრო იმედიანი და დაუღალავი იყო“, - განაცხადა გიორგი კეკელიძემ.