“ქართული ოცნების“ დეპუტატის რომან კაკულიას შეფასებით, საკადრო ცვლილებების გარეშე ფუნდამანტალური ცვლილებები შეუძლებელი იქნება.
ამასთან, დეპუტატი ვერ აკონკრეტებს, ვის და რა ფორმით შეიძლება შეეხოს ცვლილებები, რომელიც მმართველი პარტიის ლიდერმა ბიძინა ივანიშვილმა დაანონსა.
„ძირითადი საკადრო ცვლილებები ყოველთვის გამომდინარეობს იქედან, როცა კარგ ანალიზს აკეთებ და იცი, რაში მდგომარეობდა პრობლემები. პრობლემების მოგვარებაში რა ხვედრითი წილი ექნება საკადრო პოლიტიკას, ამაზე ჩვენ ჩამოვყალიბდებით“, - აღნიშნა კაკულიამ.
შეგახსენებთ, რომ „ქართული ოცნების“ ლიდერებმა პარტიაში საკადრო ცვლილებები ღიად დააანონსეს და ამ თემაზე არაერთი განცხადება გააკეთეს.