პარლამენტის თავმჯდომარის, ირაკლი კობახიძის განცხადებით, მმართველი გუნდის მიერ მხარდაჭერილი საპრეზიდენტო კანდიდატის, სალომე ზურაბიშვილის მონაწილეობა საჯარო შეხვედრებში დაგეგმილია და აუცილებლად იქნება უზრუნველყოფილი.
ასე უპასუხა კობახიძემ ჟურნალისტების კითხვას იმის შესახებ, თუ რატომ არ ჩანს საპრეზიდენტო კანდიდატი ღიად.
„ჩვენ გვაქვს ყოველდღიურ რეჟიმში შეხვედრები, იგეგმება მზადება მეორე ტურისთვის და ყველანი ერთად ვნახავთ, თუ რამდენად წარმატებული იქნება ეს სამზადისი. ჩვენი მთავარი მიზანი არის მეორე ტურში გამარჯვება და ყველაფერი კეთდება ამისთვის. ყველა რესურსი არის მობილიზებული და რა თქმა უნდა ამის შედეგებს იხილავს თითოეული თქვენგანი. რაც შეეხება სალომე ზურაბიშვილის მონაწილეობას საჯარო შეხვედრებში, ესეც არის დაგეგმილი და რა თქმა უნდა ეს იქნება უზრუნველყოფილი“, - განაცხადა ირაკლი კობახიძემ.