მამუკა ბახტაძე ევროპის რეკონსტრუქციისა და განვითარების ბანკის მმართველ დირექტორს შეხვდა

საქართველოს პრემიერ-მინისტრი მამუკა ბახტაძე ევროპის რეკონსტრუქციისა და განვითარების ბანკის (EBRD) მმართველ დირექტორს აღმოსავლეთ ევროპასა და კავკასიაში, მატეო პატრონეს შეხვდა. ამის შესახებ „ინტერპრესნიუსს“ პრემიერის პრესსამსახურიდან აცნობეს.

მათივე ცნობით, შეხვედრაზე საუბარი შეეხო იმ სტრატეგიული მნიშვნელობის პროექტებს, რომლებიც საქართველოში EBRD-ის ჩართულობით ხორციელდება. ამასთან, აღინიშნა, რომ EBRD საქართველოს არა მხოლოდ ფინანსური პარტნიორია, არამედ წლების განმავლობაში მხარს უჭერს და ხელს უწყობს ქვეყნის სწორ ეკონომიკურ პოლიტიკას.

„საუბრისას განიხილეს ანაკლიის ღრმაწყლოვანი პორტის მშენებლობის საკითხი, ისაუბრეს პროექტის სტრატეგიულ მნიშვნელობასა და აღნიშნულ პროექტში მთავრობის ჩართულობასთან დაკავშირებით. აღინიშნა, რომ ანაკლიის პორტის პროექტი მნიშვნელოვანია არამხოლოდ საქართველოსთვის, არამედ მთლიანად რეგიონისთვის. სამომავლოდ ის გეოპოლიტიკური კუთხით კონტინენტურ მნიშვნელობას შეიძენს.

შეხვედრაზე ყურადღება დაეთმო ასევე საქართველოში საერთაშორისო სავაჭრო პალატის არბიტრაჟის დაფუძნების საკითხს და მის მნიშვნელობას ქვეყანაში უცხოური ინვესტიციების მოზიდვის თვალსაზრისით“, - ნათქვამია ინფორმაციაში.

პრემიერ-მინისტრის პრესსამსახურის ცნობით, მთავრობის ადმინისტრაციაში გამართულ შეხვედრას ევროპის რეკონსტრუქციისა და განვითარების ბანკის დირექტორი სამხრეთ კავკასიაში ბრუნო ბალვანერა და საქართველოს ფინანსთა მინისტრი ივანე მაჭავარიანი ესწრებოდნენ.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო