თორნიკე შარაშენიძე კვირიკაშვილის განცხადებაზე - თუ ფასეულობების გადარჩენა უნდა, დაბრუნდეს და ლარი გადაარჩინოს

თუ კვირიკაშვილს ფასეულობების გადარჩენა სურს, დაბრუნდეს და ლარი გადაარჩინოს, - ასე გამოეხმაურა პოლიტოლოგი თორნიკე შარაშენიძე ყოფილი პრემიერ-მინისტრის გიორგი კვირიკაშვილის განცხადებას „ინტერპრესნიუსთან“ საუბარში.

„თუ გიორგი კვირიკაშვილი თვლის, რომ ის ფასეულობები, რომელსაც 2012 წელს ქართველმა ხალხმა დაუჭირა მხარი, გადასარჩენია, დაბრუნდეს და გადაარჩინოს, ლარი გაამყაროს. მისი პრემიერობის დროს ლარი უფრო მყარი იყო. საერთოდ, ფასეულობები დგას მატერიალზე - ჯერ კუჭი, მერე ფასეულობა. ასეთი იქნება ჩემი რჩევა. იმ ფასეულობების გადარჩენაში წვლილის შეტანა თუ უნდა, გადაარჩინოს ლარი. ხალხი იხოცება შიმშილით, ფასეულობებს კი ვერ შეჭამენ“, - განაცხადა შარაშენიძემ.

შეგახსენებთ, რომ ყოფილმა პრემიერმა გიორგი კვირიკაშვილმა განცხადება გაავრცელა და აღნიშნა, რომ „მთელი ეს პერიოდი სიჩუმე არჩია და არც ახლა აპირებს პოლიტიკურ აქტივობას“, თუმცა მხარს უჭერს ფასეულობებს, რომელსაც 2012 წელს ქართველმა ხალხმა დაუჭირა მხარი.

„მხარს ვუჭერ იმ ფასეულობებს, რომლისაც მწამდა და მჯეროდა მთელი ჩემი შეგენებული ცხოვრება, რომლის სიმაღლეც ჩვენი ქვეყნის ისტორიამ გვასწავლა, რომლის მაგალითიც ჩემმა მშობლებმა და წინაპრებმა მომცეს, მასწავლეს ჩემმა მეგობრებმა, ასევე - ჩვენი ერის გამორჩეულმა მოღვაწეებმა, მათ შორის, თანამედროვეობის ღირსეულმა წარმომადგენლებმა, ხანდახან კი, ყველასთვის უცნობმა ადამიანებმაც ცხოვრების სხვადასხვა მონაკვეთში, ფასეულობებს, რომლებიც ძვირფასი იყო ყოველთვის, მათ შორის 2007 წლის შემოდგომაზე, 2011 წლის შემოდგომაზე და რომელსაც ქართველი ხალხის უდიდესმა ნაწილმა დაუჭირა მხარი 2012-ში და შემდგომ 2016-ში. მთელი ეს პერიოდი სიჩუმე ვარჩიე და არც ახლა ვაპირებ პოლიტიკურ აქტივობას და არა იმიტომ, რომ არაფერი მაქვს სათქმელი. ჩემს სათქმელში ბევრია საამაყოც და რა თქმა უნდა - სასინანულოც. ეს ყველაფერი ჩემი ცხოვრების ნაწილი გახდა. და ყველაფრის მიუხედავად და ყველაფრის გათვალისწინებითაც, ფასეულობები გადასარჩენია, გადასარჩენია ახლა, ამ მომენტში და გადასარჩენია მუდმივად და ეს დაუსრულებელი ძალისხმევა არ დაიღლება ჩვენს ერში და არ დაიღლება ჩემშიც, ვიდრე სული მიდგას“, - ნათქვამია გიორგი კვირიკაშვილის განცხადებაში.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 22.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს