აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე ადვოკატებს პროფესიულ დღეს ულოცავს. ამის შესახებ ინფორმაციას აჭარის უმაღლესი საბჭო ავრცელებს.

„დღეს ძალზე მნიშვნელოვანი, რთული და საპასუხისმგებლო პროფესიის წარმომადგენელთა - ადვოკატთა პროფესიული დღეა. ეს გახლავთ საქმიანობა, რომელიც ადამიანის უფლებათა დაცვასა და სამართლის უზენაესობის განმტკიცებას ემსახურება.

ჩემთვის, როგორც ყოფილი ადვოკატისა და საქართველოს ადვოკატთა ასოციაციის ერთ-ერთი დამფუძნებლისათვის ეს პროფესია ძალზე მნიშვნელოვანია. ადვოკატთა პროფესიული დღის დაწესება ჩვენს ქვეყანაში სწორედ ამ ასოციაციის ინიციატივაა და იგი 2011 წლიდან აღინიშნება. 8 ნოემბერი კი სიმბოლურად ერის მამის - ილია ჭავჭავაძის დაბადების დღეს უკავშირდება, რომელიც მთელი თავისი ცხოვრება სამართალსა და სამართლიანობას ემსახურებოდა.

ადვოკატს კონსტიტუცია იცავს, კონსტიტუციის ახალ რედაქციაში კიდევ უფრო გაზრდილია მათი უფლებები და დამოუკიდებლობის ხარისხი. გილოცავთ ამ დღეს კოლეგებო და წარმატებებს გისურვებთ“, - ნათქვამია გაბაიძის მიერ გავრცელებულ მილოცვაში.