პარლამენტის საფინანსო-საბიუჯეტო კომიტეტი დღევანდელ სხდომაზე 2019 წლის სახელმწიფო ბიუჯეტის კორექტირებულ ვარიანტს განიხილავს.
ბიუჯეტის პროექტი დაკორექტირებულია როგორც საგადასახადო შემოსავლების, ასევე ხარჯვით ნაწილში.
როგორც ჟურნალისტებთან საუბრისას ფინანსთა მინისტრის მოადგილემ გიორგი კაკაურიძემ აღნიშნა, საგადასახადო შემოსავლები გაზრდილია, ასევე მთავრობა გრანტების ნაწილში დამატებით რესურსს ელოდება.
მისივე თქმით, ბიუჯეტის ხარჯვით ნაწილში გათვალისწინებულია დეპუტატების შენიშვნები და წინადადებები და ასევე ასახულია ბავშვებთან დაკავშირებული ახალი სახელმწიფო პროგრამა.
მომავალი წლის ბიუჯეტის პროექტს მომავალ კვირას პარლამენტი პლენარულ სხდომაზე განიხილავს, რის შემდეგაც ფინანსური დოკუმენტი მთავრობას უკან დაუბრუნდება შემდგომი გადამუშავების მიზნით.