ხალხმა კიდევ ერთხელ დაინახა როგორი დაბალი აზროვნების ადამიანები არიან, - ასე აფასებს საქართველოს პარლამენტის უმრავლესობის წევრი შოთა ხაბარელი „ევროპული საქართველოს“ ერთ-ერთი ლიდერის, გიგი უგულავასა და ყოფილი პრეზიდენტის, მიხეილ სააკაშვილის ჰელსინკში შეხვედრას.
როგორც შოთა ხაბარელი ამბობს, ისინი სიცრუის ტირაჟირებას ახდენენ.
„ეს არის სიცრუის მანქანა, რომელიც წლების მანძილზე გრძელდებოდა და საზოგადოებამ დაინახა როგორ ფარსთან გვაქვს საქმე. ამ ადამიანებისგან სიცრუის ტირაჟირება ხდება და დაინახა კიდევ ხალხმა როგორი დაბალი აზროვნების ადამიანები არიან. ხალხმა ნახა როგორ გაიყარნენ ისინი და როგორ არიან ახლა. ყველაზე მთავარი აქ არის ის, რომ საზოგადოებას ატყუებენ. ეს არის ფარსი", - განაცხადა შოთა ხაბარელმა.
„ყველანი მივხვდით, რომ საბოლოო ჯამში ჩვენ ვართ ერთი ოჯახი“, - ამის შესახებ საქართველოს ყოფილმა პრეზიდენტმა, „ნაციონალური მოძრაობის“ ლიდერმა, მიხეილ სააკაშვილმა ჰელსინკში, „ევროპული საქართველოს“ ერთ-ერთ ლიდერთან, გიგი უგულავასთან შეხვედრის შემდეგ განაცხადა.
მისივე თქმით, ახალი ერთობა იქნება, ბევრად უფრო ფართო, ვიდრე „ნაციონალური მოძრაობა“ და „ევროპული საქართველოა“.