კატალონიის სამართალდამცველებმა მამაკაცი დააკავეს, რომელიც, სავარაუდოდ, ქვეყნის პრემიერ-მინისტრის პედრო სანჩესის მკვლელობას ამზადებდა. ამის შესახებ ესპანური მედია იუწყება.
არსებული ინფორმაციით, დაკავებულია ქალაქ ტერასას მცხოვრები 63 წლის პირი, რომელსაც იარაღზე ნებართვა ჰქონდა. ის სამი კვირის წინ დააკავეს და ამჟამად წინასწარ პატიმრობაში იმყოფება.
ესპანური მედიის ინფორმაციით, დაკავებული პრემიერის მოკვლას იმ მიზეზით აპირებდა, რომ ესპანეთის მთავრობა დიქტატორი ფრანკოს ექსჰუმაციას აპირებს.
დაკავებულის სახლში ჩხრეკისას სამართალდამცველებმა დიდი რაოდენობით იარაღი ამოიღეს.