ლევან გოგიჩაიშვილი უგულავა-სააკაშვილის შეხვედრაზე - მათი ახლიდან დამოყვრება არც არავის  უკვირს და არც საფრთხის შემცველია

ჩვენ გვახსოვს მათი ოჯახები, რომლებიც ერთმანეთის გადაღებით იყვნენ დაკავებულები და საკუთარ მეგობრებს, თანაპარტიელებს სულში უძვრებოდნენ, - ასე აფასებს საქართველოს პარლამენტის უმრავლესობის წევრი ლევან გოგიჩაიშვილი „ევროპული საქართველოს“ ერთ-ერთი ლიდერის, გიგი უგულავასა და ყოფილი პრეზიდენტის, მიხეილ სააკაშვილის ჰელსინკში შეხვედრას.

როგორც გოგიჩაიშვილი ამბობს, „ევროპული საქართველოს“ და „ნაციონალური მოძრაობის“ „ახლიდან დამოყვრება არც არავის უკვირს და არც საფრთხის შემცველია“.

„დღევანდელ მოცემულობაში სიტყვა „ოჯახი“ მათ ურთიერთობას არ შეესაბამება. ოჯახი მეტად წმინდაა, ვიდრე მათი ურთიერთობა. ჩვენ გვახსოვს მათი ოჯახები, რომლებიც ერთმანეთის გადაღებით იყვნენ დაკავებულები და საკუთარ მეგობრებს, თანაპარტიელებს როგორ უძვრებოდნენ სულში. ისინი ერთი ფსიქიკის ხალხია და ერთი დანაშაულებრივი წარსული აერთიანებთ. მათი ახლიდან დამოყვრება არც არავის უკვირს და არც საფრთხის შემცველია. ეს ერთი დიდი სურათის ორი მოზაიკა იყო და ერთ სურათად მათ გაერთიანებაში დიდ საფრთხეს ვერ ვხედავთ. უბრალოდ, სიტყვა „ოჯახი“ მათი პირიდან არ უნდა ამოდიოდეს. მათი გაერთიანება დანაშაულებრივი წარსულის ირგვლივ უფროა, ვიდრე მომავალი პერსპექტივის“, - განაცხადა გოგიჩაიშვილმა.

მისივე განცხადებით, „ნაციონალური მოძრაობის“ დაპირებები თავიდანვე უტოპიური იყო.

„არჩევნების მეორე ტურის კამპანიაში უკვე ინგრევა მათი ქაღალდის სახლი. მათ ცრუ დაპირებებით, ცინიზმით, აგრესიული კამპანიით, მოსახლეობის გარკვეულ ჯგუფს დააჯერეს, რომ ისინი რამეს შეცვლიდნენ. თავიდანვე უტოპიური იყო მათი განცხადება პენსიის 400 ლარამდე ზრდასთან დაკავშირებით. ახლა ისინი ამბობენ, რომ 400-ლარიანი პენსია ახლა კი არ გექნებათ, გექნებათ 2023 წელს. 6 წელი გადაწიეს ეს საკითხი. ისინი უკვე გაიხლართნენ საკუთარ ტყუილებში. მეორე ტური იქნება იმის საშუალება, რომ ყველა ტყუილში და სიცრუეში ვამხილოთ ისინი. ნებისმიერი საარჩევნო დაპირება, რომელიც მათ გასცეს, ტყუილი იყო, ისინი არაფრის შემსრულებლები არ არიან“, - განაცხადა გოგიჩაიშვილმა.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს