სალომე ზურაბიშვილის განცხადებით, მას არასოდეს უთქვამს, რომ 2008 წელს საქართველოს ხელისუფლებამ დაბომბა საკუთარი მოსახლეობა

მმართველი გუნდის მხარდაჭერილი პრეზიდენტობის კანდიდატის, სალომე ზურაბიშვილის განცხადებით, მას არასოდეს უთქვამს, რომ 2008 წელს საქართველოს ხელისუფლებამ დაბომბა საკუთარი მოსახლეობა. ამის შესახებ სალომე ზურაბიშვილმა სოფელ ატოცში განაცხადა, სადაც ჟურნალისტებმა მას ჰკითხეს, აქვს თუ არა იგივე პოზიცია, რომ წინა ხელისუფლებამ საკუთარი მოსახლეობა დაბომბა.

„არასოდეს არ მითქვამს ეს სიტყვები“, - განაცხადა ზურაბიშვილმა.

ამასთან, სალომე ზურაბიშვილმა აღნიშნა, რომ იქნება პრეზიდენტი, რომელიც დაიცავს ქვეყანას და არ დაუშვებს, რომ „ჩვენ ავყვეთ პროვოკაციებს“.