სახალხო ორგანიზაცია „არა ნაციზმს“ რაიონებში რეგისტრირებული და თბილისში მცხოვრები მოსახლეობისთვის მეორე ტურში მონაწილეობის მისაღებად დახმარებას გეგმავს. როგორც ორგანიზაციის ერთ-ერთმა დამფუძნებელმა, უფლებადამცველმა ნანა კაკაბაძემ განაცხადა, ბევრმა ადამიანმა გამოთქვა წუხილი, რომ მეორე ტურში რაიონებში ისევ წასვლას ვერ ახერხებენ.
„ფაქტია, რომ თბილისში უამრავი ადამიანია ჩამოსული რეგიონებიდან და რადგან, უმეტესად, თვითდასაქმებულები არიან, ბუნებრივია, შეიძლება ყველა ვერ ახერხებს, კიდევ ერთხელ ჩავიდეს რეგიონში არჩევენების მეორე ტურში ხმის მისაცემად. მოძრაობა "არა ნაციზმს" აღმოუჩენს მათ საჭირო დახმარებას“, - აცხადებს ორგანიზაციის ერთერთი დამფუძნებელი, უფლებადამცველი ნანა კაკაბაძე.
მისი თქმით, დაინტერესებული პირები უნდა მივიდნენ ორგანიზაციის ოფისში (რუსთაველის 34), მეორე სართულზე.