დიმიტრი ცქიტიშვილი - არასრულწლოვანთა შემწეობის გაზრდა გაზაფხულიდან განიხილებოდა და სპეციალურად საარჩევნოდ არ არის გაცხადებული
არასრულწლოვანთა შემწეობის გაზრდის საკითხი გაზაფხულიდან განიხილებოდა - სპეციალურად საარჩევნოდ არ არის გაცხადებული, - ამის შესახებ საპარლამენტო უმრავლესობის წევრმა დიმიტრი ცქიტიშვილმა განაცხადა.
მისივე თქმით, სოციალური პროექტები დიდი ხანია განიხილება და არჩევნებს არ უკავშირდება.
„სოციალური პროექტი, თუნდაც არასრულწლოვანთა შემწეობის გაზრდის საკითხი განიხილებოდა გაზაფხულიდან და გახმოვანდა ახლა. უბრალოდ ვიღაცას ახლა მოხვდა ყურში, თორემ ეს საკითხი განიხილებოდა და მზადდებოდა. სპეციალურად საარჩევნოდ არ არის გაცხადებული", - განაცხადა ცქიტიშვილმა.
მისი თქმით, ეს საკითხი UNICEFT-თან ერთად დიდი ხანია განიხილება.
