მოსამართლე ლადო გრიგალაშვილს - ასეთ მძიმე დანაშაულზე, როგორიც შეყვარებულის მკვლელობაა, აღიარებითი ჩვენება იმის გამო მიეცით, რომ ოჯახის და მეგობრების ინტერესები დაგეცვათ?

ასეთ მძიმე დანაშაულზე, როგორიც შეყვარებულის მკვლელობაა, აღიარებითი ჩვენება იმის გამო მიეცით, რომ თქვენი ოჯახის და მეგობრების ინტერესები დაგეცვათ? - ამ კითხვით მოსამართლე ბესიკ ბუგიანიშვილმა თემქაზე 20 წლის ანა ნაცვლიშვილის მკვლელობაში ბრალდებულ ლადო გრიგალაშვილს სასამართლო პროცესზე მიმართა.

"დიახ, ასეა", - უპასუხა ბრალდებულმა გრიგალაშვილმა მოსამართლეს.

მან სასამართლოსთვის მიცემულ ჩვენებაში განაცხადა, რომ აღიარებითი ჩვენება, რომელიც ამ საქმეზე ბრალდების მხარეს აქვს მოპოვებული, პოლიციის სამმართველოში ზეწოლის შედეგად მიაცემინეს. მისივე განმარტებით, მას დაწერილი ჩვენება მიუტანეს და ხელი მოაწერინეს.

ბრალდების მხარე და მოსამართლე დაინტერესდნენ, თუ როგორ მოასწრო ლადო გრიგალაშვილმა, როგორც თავად აცხადებს, გამომძიებლის მიერ დაწერილი ჩვენების რამდენიმე წუთში დამახსოვრება და შემდეგ ამის თხრობით რეჟიმში გამომძიებლებისთვის მოყოლა.

აღნიშნულთან დაკავშირებით, ბრალდებულმა განაცხადა, რომ მის მიერ მიცემულ ჩვენებაში მხოლოდ კონკრეტული ფაქტი ჩაამატეს, რაც წაიკითხა და შემდეგ, მოჰყვა.

თემქაზე 20 წლის ანა ნაცვლიშვილი 22 თებერვალს მოკლეს. მას ყელის არეში დანით რამდენიმე ჭრილობა ჰქონდა მიყენებული და ასევე დაზიანებები აღენიშნებოდა თავის არეში. პოლიციამ ნაცვლიშვილის მკვლელობის ბრალდებით ლადო გრიგალაშვილი მომხდარიდან მეორე დღეს დააკავა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა