დავით ზალკალიანი - ძალიან სერიოზული გამოწვევებია ჩვენს წინაშე და დიდია ჩვენი დიპლომატების როლი საერთაშორისო თანამეგობრობამდე ამ პრობლემების მიტანის საქმეში

ძალიან სერიოზული გამოწვევებია ჩვენს წინაშე და დიდია ჩვენი დიპლომატების როლი საერთაშორისო თანამეგობრობამდე ამ პრობლემების მიტანის საქმეში, - ამის შესახებ საქართველოს საგარეო საქმეთა მინისტრმა დავით ზალკალიანმა საკრებულოში, დიპლომატიის დღესთან დაკავშირებით გამართულ ღონისძიებაზე ჟურნალისტებს განუცხადა. მინისტრმა ქართველ დიპლომატებს პროფესიული დღე მიულოცა. ასევე, დავით ზალკალიანი სოფელ ატოცში საოკუპაციო ძალების მიერ მავთულხლართების დამონტაჟებას კიდევ ერთხელ გამოეხმაურა.

"კიდევ ერთხელ მინდა ყველა ქართველ დიპლომატს დიპლომატის დღე მივულოცო. ეს ადამიანები მართლაც ძალიან სერიოზულ საქმიანობას ეწევიან მსოფლიოს სხვადასხვა კუთხეში. ძალიან სერიოზული გამოწვევებია ჩვენს წინაშე და დიდია ჩვენი დიპლომატების როლი საერთაშორისო თანამეგობრობამდე ამ პრობლემების მიტანის საქმეში. მოგეხსენებათ, რომ ამ დღეებში ატოცში საოკუპაციო ძალებმა კვლავ განაახლეს მავთულხლართების დამონტაჟება. ეს არის უკანონო ქმედება, საერთაშორისო სამართლის ნორმების დარღვევა. ამასთან დაკავშირებით ძალინ აქტიური კომუნიკაცია გვაქვს ყველა საერთაშორისო პარტნიორთან. მოგეხსენებათ, რომ მკაცრი განცხადება გააკეთა აშშ-ის სახელმწიფო დეპარტამენტმა. გუშინ ძალიან კარგი გამოხმაურება გვქონდა ირლანდიის პარლამენტის მხრიდან. დარწმუნებული ვართ, რომ ამას მიეცემა შესაბამისი შეფასება საერთაშორისო პარტნიორების მხრიდან. ჩვენ ბუნებრივია, არ მოვაკლებთ მცდელობას, რომ საქართველოს საკითხი მომავალშიც მუდმივად იყოს საერთაშორისო თანამეგობრობის დღის წესრიგში", - განაცხადა დავით ზალკალიანმა.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“