კეზერაშვილი ძალიან კარგად გადაიფორმა „ქართულმა ოცნებამ“, - ამის შესახებ „პალიტრანიუსის“ გადაცემაში „7VS1” გაერთიანება „ძალა ერთობაშიას“ საარჩევნო შტაბის ხელმძღვანელმა გიორგი ვაშაძემ განაცხადა. მისი თქმით, დღეს კეზერაშვილი და ფარცხალაძე პარტნიორები არიან და ივანიშვილის დაკვეთებს ერთად ასრულებენ.
„კეზერაშვილი ძალიან კარგად გადაიფორმა „ქართულმა ოცნებამ“. კეზერაშვილებიც, სუბელიანებიც და ასეთი ადამიანები დამთავრდება მაშინ, როცა ჩვენი სისტემა, რაც გვაქვს სასამართლო რეფორმაში, იქნება, რომ ეს უცხოელი მოსამართლეები, მათ შორის მათ საქმეებსაც განიხილავენ. კეზერაშვილი ფარცხალაძის პარტნიორია და ერთად არიან ეგენი. ბიძინა ივანიშვილმა შეარჩია უკანონო დავალებების ყველაზე კარგი შემსრულებელი და აირჩია „ლიჩნიკად“, - განაცხადა გიორგი ვაშაძემ.