ავსტრალიის პოლიციის ინფორმაციით, მამაკაცი, რომელიც პოლიციელებს თავს დაესხა, აფეთქების მოწყობას გეგმავდა

ავსტრალიის პოლიციის ინფორმაციით, მამაკაცი, რომელიც მელბურნში პოლიციელებს დაესხა თავს, აფეთქების მოწყობას გეგმავდა. ამის შესახებ ტელეკომპანია ABC იუწყება.

ფედერალური პოლიციის კომისარის თანაშემწის იან მაკარტნის განცხადებით, 30 წლის სომალელი ჰასან ხალიფ შირ ალი რადიკალურად იყო განწყობილი და ინტერნეტში გავრცელებული ისლამისტური მოწოდებებითა და ლოზუნგებით იყო შთაგონებული.

„ახლა ჩვენ დანამდვილებით ვიცით, რომ შირ ალი მელბურნის ცენტრში აფეთქების მოწყობას გეგმავდა“, - განაცხადა მაკარტნიმ.

პოლიციის ინფორმაციით, სომალელმა მამაკაცმა ასაფეთქებელი მოწყობილობა ავტომობილის სალონში დაამონტაჟა, რისთვისაც საყოფაცხოვრებო გაზის ბალონები გამოიყენა. პოლიციელებზე თავდასხმამდე მან ასაფეთქებელი მოწყობილობის მოქმედებაში მოყვანა სცადა, თუმცა დაუდგენელი მიზეზების გამო ეს ვერ შეძლო.

შეგახსენებთ, რომ მელბურნში გუშინ ტერაქტი მოხდა. ავტომობილი სავაჭრო ცენტრის შენობაში შევარდა. ადგილზე პოლიციის მისვლის შემდეგ სამართალდამცველებს, „ალაჰ აკბარის“ ძახილით, დანით შეიარაღებული მამაკაცი თავს დაესხა.

მომხდარის შედეგად დაშავდა სამი ადამიანი, რომელთაგან ერთი, 74 წლის მამაკაცი მოგვიანებით გარდაიცვალა. ბოროტმოქმედმა ცეცხლსასროლი ჭრილობა მიიღო და საავადმყოფოში გარდაიცვალა.

თავდასხმაზე პასუხისმგებლობა „ისლამურმა სახელმწიფომ“ აიღო.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს