სიღნაღში, მამაკაცი კვადროციკლით „სიღნაღქალაქობისთვის" დამონტაჟებულ სცენას შეეჯახა. შედეგად 38 წლის გიორგი სიხაშვილი ადგილზე გარდაიცვალა. შემთხვევა წუხელ მოხდა.

როგორც "ინტერპრესნიუსს" სიღნაღის მუნიციპალიტეტის მერიაში განუცხადეს, მომხდართან დაკავშირებით დაგეგმილი კონცერტი აღარ გაიმართება.

შინაგან საქმეთა სამინისტროში აცხადებენ, რომ გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია. უწყების ინფორმაცით, დანიშნულია სხვადასხვა სახის ექსპერტიზა.