ჩართეთ ზოგიერთი ტელეარხი, ჯორჯ ორუელის რომანს „1984“ ჰგავს, ზიზღის საათებს რომ აწყობდნენ, - ამის შესახებ გაერთიანებული ოპოზიციის პრეზიდენტობის კანდიდატმა გრიგოლ ვაშაძემ ჟურნალისტებს განუცხადა.
ჟურნალისტის კითხვაზე, არჩევნების მეორე ტური უფრო აგრესიული ხომ არ იქნება, გრიგოლ ვაშაძემ უპასუხა, რომ გაერთიანებული ოპოზიციის მხრიდან არავითარ აგრესიას ადგილი არ ექნება.
„გაერთიანებული ოპოზიციის მხრიდან რა აგრესიას ხედავთ, მე არ ვიცი. ოპონენტებს რაც შეეხება, ჩართეთ ზოგიერთი ტელეარხი და ნახეთ რა ხდება მათ ეთერში. ჯორჯ ორუელის რომანს „1984“ ჰგავს, ზიზღის საათებს რომ აწყობდნენ. მეორე ტურიც ჩატარდება წყნარად, მშვიდად, ცივილიზებულად, როგორც ვაკეთებდით ყველაფერს და უპირველეს ყოვლისა ხალხთან ერთად. არავითარი აგრესია ჩვენი მხრიდან არ იქნება“, - განაცხადა გრიგოლ ვაშაძემ.