თურქეთის სამხრეთ-აღმოსავლეთში, ჰაქიარის პროვინციაში სამხედრო ბაზაზე საბრძოლო მასალის აფეთქებისას 4 სამხედრო მოსამსახურე დაიღუპა.
როგორც სატელევიზიო მიმართვაში ქვეყნის პრეზიდენტმა რეჯეფ თაიფ ერდოღანმა განაცხადა, კიდევ 20-მდე სამხედრო დაჭრილია.
„გასულ ღამეს ჰაქიარის პროვინციაში საბრძოლო მასალა აფეთქდა. ბოლო ინფორმაციით, დაიღუპა 4 და დაიჭრა 20-მდე სამხედრო“, - განაცხადა ერდოღანმა.
სამხედრო ბაზაზე მომხდარ აფეთქებასთან დაკავშირებით დაწყებულია გამოძიება.