თბილისის სახელმწიფო სამედიცინო უნივერსიტეტში  შშმ პირთა ცეკვის, სიმღერისა და ხელოვნების პირველი საერთაშორისო ფესტივალის გამარჯვებულები დააჯილდოვეს

თბილისის სახელმწიფო სამედიცინო უნივერსიტეტში დღეს შშმ პირთა ცეკვის, სიმღერისა და ხელოვნების პირველი საერთაშორისო ფესტივალის „ივერია ბრილიანტი“ გამარჯვებულები დააჯილდოვეს.

ნიჭიერი შემსრულებლები ფესტივალის დასკვენით ღონიძიებაზე, გალა–კონცერტზე ფასიანი საჩუქრებითა და სიგელებით დაჯილდოვდნენ. ორი გამარჯვებული კი, ლუკა შევარდნაძე და შაბან მამედოვი 11–13 აპრილს უკრაინაში გასასამართ ანალოგიურ ფესტივალში მიიღებენ მონაწილეობას, რისთვისაც სახსრებს „ივერია ბრილიანტის“ ორგანიზატორები გამოყოფენ.

საერთაშორისო ფესტივალში სულ ოთხი ქვეყნის, კერძოდ, საქართველოს, პოლონეთის, გერმანიისა და უკრაინის შშმ პირებისგან ინტეგრირებული, 15 ანსამბლი და საშემსრულებლო ჯგუფი მონაწილეობდა, რომელთა ასაკი 6 წლიდან იწყებოდა.

„ფესტივალი იმისთვის შეიქმნა, რომ რაც შეიძლება მეტი შშმ პირი მონაწილეობდეს და მეტი ასეთი პირის ინტეგრირება მოხდეს კულტურულ–საზოგადოებრივ ცხოვრებაში. ფესტივალი 7 ნოემბრიდან დაიწყო და 9 ნოემბერს საკონკურსო დღე იყო, რომლის დროსაც გამოვლინდა პირველ, მეორე და მესამე ადგილებზე გასულები, ასევე, სხვადასხვა ნომინაციაში გამარჯვებულები. ფესტივალი პატრიარქის ლოცვა–კურთხევით გაიმართა“, – განაცხადა საერთაშორისო ფესტივალის „ივერია ბრილიანტის“ დამფუძნებელმა ნუგზარ ჭიაბერაშვილმა.

სამედიცინო უნივერსიტეტის კულტურის ცენტრის დირექტორის ბადრი მაჭავარიანის განცხადებით კი, უნივერსიტეტი მხარს უჭერს მსგავსი ღონისძიებების გამართვას.

მისივე თქმით, მისასალმებელია, რომ აღნიშნული ფესტივალი სხვა ქვეყნების მსგავსად საქართველოშიც გაიმართა, რადგან ფისტივალის მთავარი მიზანია შშმ პირთა სრული ჩართულობა ხელოვნების სხვადასხვა სფეროში, მათი შემოქმედების პოპულარიზაცია და განვითარება.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის