პირველი რესპუბლიკის მოედანზე რაგბის გულშემატკივრებთან ერთად პრემიერ-მინისტრი მამუკა ბახტაძე, თბილისის მერი კახა კალაძე და პრეზიდენტობის კანდიდატი სალომე ზურაბიშვილი იმყოფებიან. რაგბის გულშემატკივრებს საშუალება აქვთ, მატჩს რესპუბლიკის მოედანზე დამონტაჟებულ დიდ ეკრანზე უყურონ.
თბილისის მერი კახა კალაძე იმედოვნებს, რომ შეხვედრა საქართველოს ეროვნული ნაკრების წარმატებით დასრულდება.
„წარმატებას ვუსურვებ ჩვენს გუნდს, რასაც ყველა ველოდებით. ძალიან რთული შეხვედრა იქნება, იტალია ძალიან ძლიერი გუნდია. ჩვენ ვამაყობთ მათი გამარჯვებებით. მთელი თბილისის ახალგაზრდობა აქ არის. ვინც ვერ ახერხებს აქ მოსვლას, ისინი სახლიდან უყურებენ, ყველა ვგულშემატკივრობთ ჩვენს ბიჭებს“, - განაცხადა თბილისის მერმა.
ფლორენციაში, „არტემიო ფრანკის“ სახელობის სტადიონზე, პირველი რესპუბლიკის მოედნიდან ეროვნული ჰიმნი აჟღერდა. რესპუბლიკის მოედანზე ეროვნული ჰიმნი ანსამბლ „შვიდკაცასთან“ და „ჰერიოსთან“ ერთად გულშემატკივრებმა შეასრულეს.