რუსთაველის გამზირზე ზაზა სარალიძისა და მალხაზ მაჩალიკაშვილის მხარდასაჭერ აქციაზე „კარვებით ვიცავთ თავისუფლებას“ აქციის მონაწილეებმა რამდენიმე კარვის გაშლა მოახერხეს.
აქციის ორგანიზატორების განცხადებით, ისინი რუსთაველის გამზირზე კარვების გაშლით შეეცდებიან შვილმკვდარი მამების მიმართ სოლიდარობა გამოხატონ და კონსტიტუციური უფლება დაიცვან.
„საერთაშორისო გამჭვირვალობა - საქართველოს“ აღმასრულებელი დირექტორი ეკა გიგაური, რომელიც პარლამენტის წინ იმყოფება, აცხადებს, რომ არ არსებობს კანონის ნორმა, რომელიც კარვების გაშლას აკრძალავს.
ადგილზე ასევე იმყოფებიან პოლიტიკოსები, მათ შორის, „ევროპული საქართველოს“ წევრი, ელენე ხოშტარია.
აქცია "კარვებით ვიცავთ თავისუფლებას" არასამთავრობო ორგანიზაციების ორგანიზებით იმართება.