გიგი უგულავა - მინდა, რიგით პოლიციელებს ვუთხრა, თქვენ არღვევთ კანონს - შეიძლება ათასნაირი დავალება მოგცეთ ხელმძღვანელმა, რომელიც ახლა აგონიაშია

მინდა რიგით პოლიციელებს ვუთხრა, თქვენ არღვევთ კანონს, რაც მთავარია, ამის შემდეგ, თქვენ გაგიჭირდებათ ჩვეულებრივი ადამიანის უფლების დაცვა, - ამის შესახებ „ევროპული საქართველოს“ ერთ-ერთმა ლიდერმა გიგი უგულვამ პარლამენტის შენობის წინ ზაზა სარალიძისა და მალხაზ მაჩალიკაშვილის მხარდამჭერ აქციაზე განაცხადა.

„მე არ მიყვარს საჯარო მუქარები და ეს არც არის მუქარა. უბრალოდ, მინდა რიგით პოლიციელებს ვუთხრა, რომ ეს არ არის რიგითი შემთხვევა, თქვენ არღვევთ კანონს. რაც მთავარია, ამის შემდეგ, თქვენ გაგიჭირდებათ ჩვეულებრივი ადამიანის უფლების დაცვა. თქვენ უბრალოდ აღარ გამოდგებით პოლიციაში მსახურებისთვის. დაუფიქრდით რას აკეთებთ. შეიძლება ათასნაირი დავალება მოგცეთ ხელმძღვანელმა, რომელიც ახლა აგონიაშია და ათას სისულელეს აკეთებს“, - განაცხადა უგულვამ.

რუსთაველის გამზირზე, მალხაზ მაჩალიკაშვილისა და ზაზა სარალიძის მხარდამჭერ აქციაზე კარვის დადგმის მცდელობას პოლიციის თანამშრომლებსა და აქციის მონაწილეებს შორის დაპირისპირება მოყვა. აქციის ორგანიზატორები არასამთავრობო ორგანიზაციების წარმომადგენლები არიან.

იხილეთ ვიდეო: "აქ ხალხის ოდენობით ტყუილად ზომავენ, ეს ძალიან მცდარი ილუზიაა, რომელიც მათ გადაიყოლებთ" - გიგი უგულავა რუსთაველის აქციაზე

კორნელი კაკაჩია - აშშ-ში საქართველოს ხელისუფლების წარმომადგენელთა ვიზიტი საკმაოდ დაგვიანებულია, ამიტომ, არა მგონია, რომ ამ ვიზიტმა რამე შეცვალოს
ქართული პრესის მიმოხილვა 28.01.2020
თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა