ნინო ლომჯარია- ნებისმიერი მცდელობა, რომ პოლიციამ არ მისცეს ადამიანებს კარვის დადგმის საშუალება, არის გამოხატვის თავისუფლების უკანონო შეზღუდვა

რუსთაველის გამზირზე ზაზა სარალიძისა და მალხაზ მაჩალიკაშვილის მხარდამჭერ აქციაზე სახალხო დამცველი მივიდა. ნინო ლომჯარიას განცხადებით, ნებისმიერი მცდელობა, რომ ამ ადამიანებს პოლიციამ არ მისცეს კარვის დადგმის საშუალება, არის გამოხატვის თავისუფლების უკანონო შეზღუდვა.

„ჩვენ არაერთგზის გვაქვს დაფიქსირებული, რომ საქართველოს მოქალაქეებს აქვთ შეუზღუდავი უფლება ნებისმიერ ადგილას, სადაც ხელი არ ეშლება ტრანსპორტის მოძრაობას, შეუძლიათ გაშალონ კარავი და თავიანთი მშვიდობიანი პროტესტი გამოხატონ იმ ფორმით, რასაც ისინი მიიჩნევენ საჭიროდ. შესაბამისად, ნებისმიერი მცდელობა, რომ ამ ადამიანებს პოლიციამ არ მისცეს კარვის დადგმის საშუალება, არის გამოხატვის თავისუფლების უკანონო შეზღუდვა. ჩემი რეკომენდაციაა, რომ ნებისმიერ მოქალაქეს სახელმწიფომ მისცეს საშუალება, რომ გამოხატოს პროტესტი იმ ფორმით, რასაც ის თვლის საჭიროდ, თუკი არ არღვევს გამოხატვის თავისუფლების ფარგლებს, რასაც ამ შემთხვევაში ნამდვილად არ ჰქონდა ადგილი. ამ შემთხვევაში, თუნდაც საახალწლო ღონისძიების გამართვა არ არის ის ლეგიტიმური მიზანი, რითიც ჩვენი მოქმედი კანონდებლობით შეიძლება შეიზღუდოს მოქალაქის გამოხატვის თავისუფლება," - განაცხადა ნინო ლომჯარიამ.

შეგახსენებთ, რომ რუსთაველის გამზირზე, მალხაზ მაჩალიკაშვილისა და ზაზა სარალიძის მხარდამჭერ აქციაზე კარვის დადგმის მცდელობას პოლიციის თანამშრომლებსა და აქციის მონაწილეებს შორის დაპირისპირება მოყვა. აქციის ორგანიზატორები არასამთავრობო ორგანიზაციების წარმომადგენლები არიან.

იხილეთ ვიდეო: ნინო ლომჯარია - ნებისმიერი მცდელობა, რომ პოლიციამ არ მისცეს ადამიანებს კარვის დადგმის საშუალება, არის გამოხატვის თავისუფლების უკანონო შეზღუდვა

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს