ზაალ უდუმაშვილი - ორი შვილმკვდარი მამა ზის რუსთაველზე სამართლიანობას ითხოვს და კალაძე ეუბნება ნაძვის ხე უნდა დავდგაო -დღეს  ეს ხელისუფლება დასრულდა!

რა ნაძვის ხეზეა დღეს საუბარი. ორი შვილმკვდარი მამა ზის რუსთაველზე, სამართლიანობას ითხოვს და კალაძე ეუბნება ნაძვის ხე უნდა დავდგაო,- ამის შესახებ "ერთიანი ნაციონალური მოძრაობის" ერთ-ერთმა ლიდერმა ზაალ უდუმაშვილმა განაცხადა, რომელიც რუსთაველის გამზირზე სარალიძისა და მაჩალიკაშვილის მხარდასაჭერ აქციაზე იმყოფება.

ზაალ უდუმაშვილის თქმით, ხელისუფლებას ამაზე პასუხს საქართველოს მოსახლეობა გასცემს. მისივე თქმით, 10 ნოემბერი ხელისუფლების დასრულების დღეა, რაც პრეზიდენტის არჩევნების მეორე ტურში უნდა გაფორმდეს.

„ეს ხელისუფლება იმყოფება აგონიაში და დღევანდელი დღე არის ამის ნათელი მაგალითი. არასამთავრობო ორგანიზაციების მიერ გაშლილ კარვებს ასე ველურებივით დაერივნენ და წალეკეს. შვილმკვდარი მამები ერთი წელია უკვე ქუჩაში დგანან და სამართალს ითხოვენ. იმის ნაცვლად, რომ ხელისუფლება რაღაცნაირად გვერდში დაუდგეს მათ, მთელი წელია ვისმენთ შეურაცხყოფებს ამ ადამიანების მიმართ. ზაზა სარალიძეს პარტიული კუთვნილება გაუფორმეს და მალხაზ მაჩალიკაშვილი საერთოდ ტერორისტად შერაცხეს. ხელისუფლებას ამაზე პასუხს საქართველოს მოსახლეობა გასცემს. რა ნაძვის ხეზეა დღეს საუბარი. ორი შვილმკვდარი მამა ზის რუსთაველზე, სამართლიანობას ითხოვს და კალაძე ეუბნება ნაძვის ხე უნდა დავდგაო. აი, ყველაფერს ხომ აქვს საზღვარი. უგუნურებასაც აქვს სხვათაშორის, საზღვარი და როგორც აღმოჩნდა, ამათ საზღვარი საერთოდ არ აქვთ! ჩემი აზრით, 10 ნოემბერი ამ ხელისუფლების დასასრულის თარიღია, უბრალოდ მეორე ტურში ეს უნდა გაფორმდეს ფორმალურად. დღეს დასრულდა ეს ხელისუფება!" - განაცხადა ზაალ უდუმაშვილმა.

შეგახსენებთ, რომ რუსთაველის გამზირზე, მალხაზ მაჩალიკაშვილისა და ზაზა სარალიძის მხარდამჭერ აქციაზე კარვის დადგმის მცდელობას პოლიციის თანამშრომლებსა და აქციის მონაწილეებს შორის დაპირისპირება მოჰყვა. აქციის ორგანიზატორები არასამთავრობო ორგანიზაციების წარმომადგენლები არიან.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 27.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა