საქართველოს საგარეო საქმეთა სამინისტრო ე.წ. დონეცკისა და ლუგანსკის სახალხო რესპუბლიკებში გამართულ უკანონო "არჩევნებს" გმობს

საქართველოს საგარეო საქმეთა სამინისტრო ე.წ. დონეცკისა და ლუგანსკის სახალხო რესპუბლიკებში გამართულ უკანონო "არჩევნებს" გმობს.

როგორც უწყების განცხადებაშია აღნიშნული, უკანონო არჩევნები უხეშად არღვევს საერთაშორისო სამართლის ფუნდამენტურ ნორმებსა და პრინციპებს და უკრაინის შიდა საქმეებში უხეშ ჩარევას წარმოადგენს.

„საქართველოს საგარეო საქმეთა სამინისტრო გმობს 2018 წლის 11 ნოემბერს უკრაინის განუყოფელ, აღმოსავლეთ რეგიონებში - ე.წ. "დონეცკისა და ლუგანსკის სახალხო რესპუბლიკებში" ორგანიზებულ ე.წ. არჩევნებს. მსგავსი უკანონო "არჩევნების" ჩატარება რეგიონებში, სადაც რუსეთის ფედერაციის ეფექტური კონტროლის გამო უკრაინის ხელისუფლება ვერ ახორციელებს თავის ლეგიტიმურ იურისდიქციას, უხეშად არღვევს საერთაშორისო სამართლის ფუნდამენტურ ნორმებსა და პრინციპებს და წარმოადგენს უკრაინის შიდა საქმეებში უხეშ ჩარევას. აღნიშნული სრულად ეწინააღმდეგება მინსკის შეთანხმებებით აღებულ ვალდებულებებს და ხელს უშლის კონფლიქტის მშვიდობიან დარეგულირებას.

საქართველოს საგარეო საქმეთა სამინისტრო ურყევად უჭერს მხარს უკრაინის სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში”, - ნათქვამია განცხადებაში.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 27.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა