ზაზა სარალიძე ითხოვს, რომ პარლამენტის წინ გაშლილი კარვები პოლიციამ ყოველ ორ საათში ერთხელ შეამოწმოს

ზაზა სარალიძე ითხოვს, რომ რუსთაველის გამზირზე, პარლამენტის სასახლის წინ გაშლილი კარვები ყოველ ორ საათში ერთხელ პოლიციამ შეამოწმოს. როგორც ზაზა სარალიძემ ჟურნალისტებთან და პოლიციის წარმომადგენლებთან საუბრისას განმარტა, შსს-ს მხრიდან კეთდება განცხადება, თითქოს კარვებში შესაძლოა რამე კანონსაწინააღმდეგო ნივთი შეიტანონ, სწორედ ამის პრევენციისთვის სარალძე შინაგან საქმეთა სამინისტროს მოუწოდებს, კარვები სისტემატურად შეამოწმონ.

სარალიძის თქმით, თუ მისი მოთხოვნა არ დაკმაყოფილდება, გაჩნდება ეჭვი, რომ პოლიცია თავად აპირებს პროვოცირებას. „გუშინ საპატრულო პოლიციის დეპარტამენტის ხელმძღვანელმა დაგვადანაშაულა, რომ კარვებში შესაძლოა რამე ნივთიერება იყოს აღმოჩენილი. ამიტომ გთავაზოთ, ყოველ 2 საათში, თქვენს წარმომადგენელთან ერთად გადაიღონ ვიდეო. ვიდეოს გადავიღებთ ჩვენც და შემოწმდეს ყველა კარავი.

თუ ამაზე უარს მეუბნებით, ესეიგი ჩავთვლი, რომ პოლიცია თვითონ აპირებს პროვოცირებას და რაღაცის ჩადებას კარვებში. თქვენ, პატრულის თანამშრომლები რომ არ დაუშვებთ ამას, ვიცი, მაგრამ აქ არის კრიმინალური პოლიცია, რომელიც ზეწოლაზე მოდის და ამის არაერთი ფაქტი დაფიქსირდა. ზუსტად კრიმინალური პოლიციისგან წამოსული პროვოკაციის გამო 4-დან 7-წლამდე პატიმრობა მემუქრება. ასე რომ, მე ამ ხალხს არ ვენდობი“, - განაცხადა ზაზა სარალძემ.

ზაზა სარალძეს ადგილზე შსს-ს საპატრულო პოლიციის დეპარტამენტის მთაწმინდა-კრწანისის სამმართველოს უფროსი გოგა მემანიშვილი გაესაუბრა, რომელმაც განმარტა, რომ ამ ეტაპზე კარვების შემოწმების საჭიროება არ არსებობს. „აქციის ორგანიზატორი ითხოვს კარვების შემოწმებას, რომ რამე კანონსაწინააღმდეგო ნივთი არ იყოს კარავში. ამ ეტაპზე ჩვენ არ ვთვლით საჭიროდ, რომ შევამოწმოთ კარავი. თუ იქნება ასეთი საჭიროება, აუცილებლად გავაფრთხილებთ და შევამოწმებთ“, - განაცხადა გოგა მემანიშვილმა.

იხილეთ ვიდეო: ყოველ 2 საათში შეამოწმეთ ყველა კარავი, თუ უარს იტყვით, ეს ნიშნავს, რომ პოლიცია თვითონ აპირებს რაღაცის ჩადებას - ზაზა სარალიძე

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს