პარიზში, სადაც პირველი მსოფლიო ომის დასრულების 100 წლისთავისადმი მიძღვნილი ღონისძიებები იმართება, რუსეთისა და ამერიკის პრეზიდენტებს შორის საუბარი შედგა. „რია ნოვოსტის“ ცნობით, ამის შესახებ რუსეთის ლიდერმა ჟურნალისტებს თავად განუცხადა.
კითხვაზე - შედგა თუ არა მათ შორის საუბარი და როგორ ჩაიარა ამ საუბარმა, ვლადიმერ პუტინმა უპასუხა: „დიახ“ და „კარგად“.
მანამდე კი პუტინის პრესმდივანმა დიმიტრი პესკოვმა განაცხადა, რომ სადღესასწაულო სადილზე ორ პრეზიდენტს შორის საუბარი არ შემდგარა, ისინი ერთმანეთს მხოლოდ მიესალმნენ. „მოლაპარაკებების შესაძლებლობა არ ყოფილა“, - აღნიშნა კრემლის პრესმდივანმა.
სააგენტოს მანამდე წყარომ განუცხადა, რომ სადილის დროს ლიდერების ადგილები მაგიდასთან შეცვალეს და შესაბამისად, ვლადიმერ პუტინმა და დონალდ ტრამპმა ვერ ისაუბრეს.