„ქართული ოცნების“ ოფისთან თემირლან მაჩალიკაშვილის ხსოვნისადმი მიძღვნილი აქციის გამართვა იგეგმება

ორშაბათს „ქართული ოცნების“ ოფისთან თემირლან მაჩალიკაშვილის ხსოვნისადმი მიძღვნილი აქციის გამართვა იგეგმება.

როგორც ჟურნალისტებს თემირლან მაჩალიკაშვილის მამამ, მალხაზ მაჩალიკაშვილმა განუცხადა, ახლოვდება მისი შვილის დაბადების დღე, ელოდება, მხარდამჭერების ჩამოსვლას პანკისის ხეობიდან და ხვალისთვის გეგმავენ „ქართული ოცნების“ იმ ოფისთან შეკრებას, სადაც სუს-ის უფროსის ყოფილი მოადგილე სოსო გოგაშვილი მუშაობს.

ამ წუთებში რუსთაველის გამზირზე, პარლამენტის შენობის წინ ის ადამიანები არიან შეკრებილი, ვინც მალხაზ მაჩალიკაშვილსა და ზაზა სარალიძეს სოლიდარობას უცხადებს. როგორც ჟურნალისტებსთან საუბრისას ზაზა სარალიძემ აღნიშნა, შაბათს, პარლამენტთან განვითარებული პროცესების დროს პოლიცია ორ ნაწილად იყო გაყოფილი - ცალკე იყო საპატრულო პოლიცია და ცალკე კრიმინალური პოლიცია, რომელმაც პროვოკაცია მოაწყო.

„ეს იყო წინასწარი გაფრთხილება, რომ შესაძლოა სამართალდამცველებმა რამე მოგვიწყონ. პოლიციისგან მივიღე უარი ჩემს შეთავაზებასთან დაკავშირებით, რომ ჩვენი თანდასწრებით მოხდეს კარვების შემოწმება“, - აღნიშნა ზაზა სარალიძემ.

შვილმკვდარი მამები ამბობენ, რომ მათი აქციები გაგრძელდება მანამ, სანამ მათი შვილების მკვლელობასთან დაკავშირებულ საქმეს პასუხი არ გაეცემა.

პარლამენტის შენობის წინ შეკრებილ მოქალაქეებს „ევროპული საქართველოს“ ერთ-ერთი ლიდერი სერგო რატიანი შეუერთდა.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა