რუმინეთის ქალაქ ბრეილაში ავტომანქანა სავაჭრო ცენტრის შესასვლელში შევარდა, რის შედეგადაც შვიდი ადამიანი დაშავდა, რომელთა შორის ორი - 11 და 13 წლის მოზარდები არიან. ამის შესახებ „ასოშიეითიდ პრესი“ იუწყება.

ადგილობრივი პოლიციის ინფორმაციით, მანამდე მძღოლმა სატრანსპორტო საშუალების ფლობასთან დაკავშირებით წარმოქმნილი დავისას თავისი მგზავრი დანით დაჭრა, შემდეგ გზაზე ორ ადამიანს დაეჯახა, ბოლოს კი სავაჭრო ცენტრში შევარდა.

სამართალდამცველებმა 20 წლის მძღოლი დააკავეს, რომელსაც სისხლში ალკოჰოლი აღმოაჩნდა. მთლიანობაში, დაშავებულია ათი ადამიანი, რომელთაგან ერთის მდგომარეობა მძიმეა.