ტექნოპარკში ორშაბათს საქართველოს ეკონომიკისა და მდგრადი განვითარების მინისტრი, გიორგი ქობულია „გლობალური მეწარმეობის კვირეულს“ გახსნის. პროექტი დაფინანსებულია საქართველოში აშშ-ს საელჩოს მიერ.

ეკონომიკის სამინისტროს ცნობით, ,,გლობალური მეწარმეობის კვირეული’’ არის ყველაზე მასშტაბური საერთაშორისო სამეწარმეო პროექტი, რომლის მიზანია სამეწარმეო ეკოსისტემის ფორმირება, ეკოსისტემის ლიდერების დაკავშირება, მეწარმეობის პოპულარიზაცია და დამწყები მეწარმეების მოტივაცია/მხარდაჭერა.

პროექტის ფარგლებში, ყოველი წლის ნოემბერში, 170-ზე მეტ ქვეყანაში ერთდროულად იმართება 30 000 -ზე მეტი ღონისძიება, რომელშიც ჩართულია 20 მილიონზე მეტი ადამიანი.

ღონისძიებაში მონაწილეობენ მთავრობისა და ამერიკის საელჩოს წარმომადგენლები, ასევე სამეწარმეო ექსპერტები, ახალგაზრდა მეწარმეები, სტარტაპები და ა.შ.

გლობალური მეწარმეობის კვირეული ხორციელდება გლობალური სამეწარმეო ქსელის მიერ, ეკონომიკის სამინისტროს ინოვაციებისა და ტექნოლოგიების სააგენტოს თანაორგანიზებით.