„ქართული ოცნების" ცენტრალურ ოფისში კონსულტაციები გრძელდება. როგორც უმრავლესობის დეპუტატმა დავით მათიკაშვილმა განაცხადა, მიმდინარეობს მეორე ტურისთვის მზადება და აღნიშნა, რომ არჩევნები მშვიდ ვითარებაში ჩაივლის.

„კონსულტაციები პერმანენტულად მიმდინარეობს. შესაბამისად, მეორე ტურისთვის მზადება მიმდინარეობს. ჩვენ თავიდან ბოლომდე ორიენტირებული ვიქნებით იმაზე, თუ რა საჭიროებები გააჩნია ჩვენს საზოგადოებას. შესაბამისად, საარჩევნო პროცესები იქნება წარმართული კონსტრუქციულ, მშვიდ გარემოში, ჩვენი საზოგადოების პრობლემების მოგვარების კუთხით. არჩევნები ჩაივლის მშვიდ ვითარებაში და შესაბამისად, ქვეყანა აირჩევს ღირსეულ პრეზიდენტს", - განაცხადა მათიკაშვილმა.